Wani babban jami’in tsaron Taiwan ya fada a ranar Laraba cewa, kasar Sin tana da “hanyoyi daban-daban” na yin kutse a zaben Taiwan a watan Janairu, daga matsin lambar sojoji zuwa yada labaran karya, gami da magudin zabe.
Gabanin gudanar da zabe, Taiwan ta kan nuna kasadar tsoma baki daga birnin Beijing, wacce ke ikirarin tsibiri da ke mulkin dimokuradiyya a matsayin nata, tana mai cewa kasar Sin na neman karkatar da sakamakon ga ‘yan takarar da za su fi dacewa da kasar.
Darakta Janar na Hukumar Tsaro ta Taiwan Tsai Ming-yen ta shaida wa ‘yan majalisar dokoki yayin zaman kwamitin majalisar dokokin kasar cewa, “Yadda ‘yan gurguzu na kasar Sin suka yi katsalandan a zabuka na da banbanci sosai.”
Kasar Sin na iya amfani da matsin lamba na soja, tilastawa tattalin arziki ko labarai na karya don haifar da zabi na karya tsakanin “yaki ko zaman lafiya” a zaben, tare da neman tsoratar da masu kada kuri’a, in ji Tsai.
Ya kara da cewa, “Muna ba da kulawa ta musamman ga ‘yan gurguzu na kasar Sin da ke yin hadin gwiwa da masu gudanar da zaben jin ra’ayin jama’a da kamfanonin hulda da jama’a, domin yiwuwar yin magudin zabe, da kuma ba su damar yin katsalandan a cikin zaben,” in ji shi, ba tare da bayyana sunayen kamfanoni ba.
Ofishin harkokin Taiwan na China bai amsa kiran neman sharhi ba. Kasar Sin tana tsakiyar hutun ranar kasa ta mako.
Mataimakin shugaban kasar Taiwan William Lai na jam’iyyar Democratic Progressive Party mai mulkin kasar, wanda ke da ra’ayin cewa tsibirin ya bambanta da kasar Sin, shi ne aka fi so ya zama shugaban kasa, a cewar kuri’ar jin ra’ayin jama’a.
REUTERS/ Ladan Nasidi.
Leave a Reply