Kungiyar ‘Yan Kishin Islama Da Ke Da Tushe A Kongo Ta Yi Mummunan Kwanton Bauna A Uganda

A ranar Alhamis ne wata kotu a Madagascar ta ba da umarnin dage zaben shugaban kasar na tsibirin na watan Nuwamba na mako guda, matakin da shugaba mai ci Andry Rajoelina ya nuna adawa da shi.

 

 

Babbar kotun tsarin mulkin kasar ta bayyana a cikin wata sanarwa da ta fitar a shafinta na yanar gizo cewa ta bayar da umarnin mayar da zagayen farko na zaben zuwa ranar 16 ga watan Nuwamba daga ranar 9 ga watan Nuwamba, sannan ta ci gaba da gudanar da zaben zagaye na biyu a ranar 20 ga watan Disamba. Ca

ji.

 

Soava Andriamarotafika, kakakin hukumar zabe mai zaman kanta ta kasa, ya ce dage zaben ya ba su karin lokaci domin shirya zaben.

 

“Wannan jinkiri na mako guda yana sauƙaƙa nauyin aikinmu da kuma saurin zagaye na farko. Ya kamata mu iya yin numfashi kadan. Amma gaskiya ne a zagaye na biyu, dole ne mu dauki matakin kadan kadan,” inji shi.

 

Tsibirin tekun Indiya na shirin gudanar da zabensa na uku cikin lumana tun bayan hatsaniya a shekara ta 2009 lokacin da Rajoelina ya hambarar da shugaban kasar Marc Ravalomanana a wani juyin mulki.

 

 

Rajoelina ya yi murabus ne a farkon watan Satumba bayan da aka tabbatar da shi a matsayin dan takara a zabe mai zuwa, kamar yadda kundin tsarin mulkin kasar Madagascar ya tanada wanda ya bukaci shugaban kasa mai ci da ke son tsayawa takarar shugaban kasa ya fara sauka daga mulki.

 

Hukuncin kotun ba shi da alaka da bukatar wani dan takarar shugaban kasa, Andry Raobelina, wanda ya bukaci a dage zaben saboda abin da ya ce “force majeure” bayan da ya ji rauni a wata zanga-zanga a makon da ya gabata, wanda ya tilasta masa neman magani a Mauritius.

 

Rajoelina ya ce canjin bai dace da shi ko jam’iyyarsa ba.

 

 

“Yana da matukar muni ga wadanda ba su shirya ba, amma dole ne mu ci gaba,” in ji shi yayin wani gangamin yakin neman zabe a Ambanja da ke arewacin Madagascar.

 

‘Yan takara 11 da ke fafatawa da Rajoelina na gudanar da jerin gwano na yau da kullum a babban birnin kasar, wadanda ‘yan sanda suka saba tarwatsa su ta hanyar amfani da hayaki mai sa hawaye.

 

Masu zanga-zangar dai na neman a yi sauye-sauye ga jami’an da ke tafiyar da hukumar zaben da kuma kafa wata kotu ta musamman da za ta saurari takaddamar zaben.

 

Suna kuma son a hana Rajoelina tsayawa takara saboda cewa shi ba dan kasar Madagascan ba ne, zargin da ya yi watsi da shi a baya.

 

 

Reuters/Ladan Nasidi.