Gwamnan Jihar Zamfara Ya Nada Kantomomi Na Kananan Hukumomi 14

Gwamnan jihar Zamfara Dauda Lawal ya amince da nadin shugabannin kananan hukumomi 14 na jihar su kadai.

Gwamnan ya kuma amince da nadin sakatarori da kansilolin sa ido na kananan hukumomi.

A wata sanarwa da babban mai taimaka masa na musamman Malam Sulaiman Idris ya fitar, ta ruwaito gwamnan na cewa an zabo wadanda aka nada cikin tsanaki bisa la’akari da nasarorin da aka samu a baya da kuma bayanan tarihi.

Wadanda aka nada sun hada da Bashar Musa na karamar hukumar Anka, Sa’idu Danbala na karamar hukumar Bakura, Isiyaka Ibrahim na karamar hukumar Birnin-Magaji da Nasiru Muhammad na karamar hukumar Bukkuyum.

Sauran sun hada da Nura Umar na karamar hukumar Bungudu, Aminu Nuhu na karamar hukumar Gummi, Yahaya Garba na karamar hukumar Gusau, Kasimu Sani-Kaura na karamar hukumar Kauran-Namoda da Yahaya Giwa na karamar hukumar Maradun.

Sauran sun hada da Yusuf Sani-Bindin na karamar hukumar Maru, Lukman Jafar mai wakiltar karamar hukumar Talata-Mafara, Aliyu Adamu-Barmo mai wakiltar karamar hukumar Tsafe, Junaidu Muhammad-Barade mai wakiltar karamar hukumar Shinkafi da Aminu Atiku na karamar hukumar Zurmi.

Sanarwar ta ce nadin na tsawon watanni shida ne kuma majalisar ta amince da nadin.

NAN/Ladan Nasidi.