Fira Ministan Pakistan Nawaz Sharif wanda ya shafe shekaru uku yana gudun hijira a birnin Landan na kasar Birtaniya, ya isa gida a ranar Asabar din da ta gabata, domin fara yakin neman zaben jam’iyyarsa a farkon shekara mai zuwa, wanda ke neman tsohon Firimiyan Imran Khan a matsayin babban abokin hamayyarsa.
Shahararren dan siyasar mai shekaru 73, zai jagoranci wani gangami a garinsa na Gabashin Lahore bayan da jirgin da ya yi hayarsa ya isa Islamabad tare da mutane sama da 150 daga jam’iyyarsa da kungiyoyin yada labarai, in ji jam’iyyar da kuma majiyoyi.
Bayan wani ɗan gajeren zama a filin jirgin sama na Islamabad don sanya hannu tare da shigar da kara a kan hukuncin da aka yanke masa kafin ya bar ƙasar, Sharif zai tashi zuwa Lahore.
“An kammala tsarin sanya hannu da tabbatar da takaddun doka,” in ji wani na kusa da Ishaq Dar ya wallafa a kan X, wanda aka fi sani da Twitter.
Taro daga yankuna daban-daban na Kudancin Asiya na ta kwararowa a Lahore kafin isowarsa, in ji kakakin jam’iyyar.
An baza jami’an ‘yan sanda da dama domin gadin wurin taron, in ji dan sanda Ali Nasir Rizvi.
Sharif dai bai taka kafarsa a Pakistan ba tun bayan da ya tafi Landan a shekarar 2019 domin jinya a lokacin da aka yanke masa hukuncin daurin shekaru 14 a gidan yari bisa samunsa da laifin cin hanci da rashawa.
Hukunce-hukuncen na sa na ci gaba da aiki, amma a ranar Alhamis ne wata kotu ta haramtawa Hukumomin kasar kama shi har sai ranar Talata da zai gurfana a gaban kotu.
Duk da cewa ba zai iya tsayawa takara ko kuma rike mukamin gwamnati ba saboda hukuncin da aka yanke masa, kungiyar lauyoyinsa ta ce yana shirin daukaka kara kuma jam’iyyarsa ta ce yana da burin zama Firayim Minista a karo na hudu.
REUTERS/Ladan Nasidi.
Leave a Reply