Kotun Koli Ta Fara Sauraron Kararrakin Atiku, Obi, APM

Kotun kolin Najeriya na shirin sauraron kararrakin da jam’iyyar People’s Democratic Party (PDP), dan takararta na shugaban kasa a zaben shugaban kasa da za a yi a ranar 25 ga watan Fabrairu, Alhaji Abubakar Atiku, ya shigar.

Atiku yana gaban kotu yana kalubalantar hukuncin kotun sauraron kararrakin zaben shugaban kasa, (PEPC) da ta tabbatar da zaben shugaban kasa Bola Tinubu.

Kotun kolin za ta kuma saurari kararrakin da jam’iyyar Labour Party da dan takararta na shugaban kasa, Mista Peter Obi da kuma na Allied Peoples Movement, (APM) suka shigar na kalubalantar hukuncin PEPC.

Kwamitin alkalai da ke sauraron kararrakin yana karkashin jagorancin mai shari’a Inyang Okorowo.

Mai baiwa shugaban kasa shawara kan harkokin tsaro (NSA), Nuhu Ribadu, shugaban ma’aikatan fadar shugaban kasa Femi Gbajabiamila da kuma shugaban jam’iyyar APC, Abdullahi Ganduje na daga cikin manyan mutanen da suka halarci kotun domin shaida yadda lamarin ya gudana.

NAN/Ladan Nasidi.