Wani Sabon Hari Da Isra’ila Ta Kai A Makarantar Gaza Ya Yi Sanadiyar Mutuwar Mutane 15

Ma’aikatar lafiya ta kasar ta ce akalla mutane 15 ne suka mutu a wani harin da aka kai kan makaranta a sansanin ‘yan gudun hijira na Jabalia, yayin da hare-haren da Isra’ila ke kai wa a Gaza ke kara tsananta, inda aka kai hari kan makarantu, matsuguni, wuraren asibitoci da motocin daukar marasa lafiya.

Wani hari da aka kai kan ayarin motocin daukar marasa lafiya a birnin Gaza a ranar Juma’a ya kashe akalla mutane 15, a cewar jami’an lafiya.

Isra’ila ta tabbatar da cewa ta kai hari da motar daukar marasa lafiya, amma ta ce mayakan Hamas ne aka kai harin, ba tare da bayar da shaida ba.

Akalla Falasdinawa 9,488 ne aka kashe a hare-haren da Isra’ila ke kaiwa Gaza tun ranar 7 ga watan Oktoba. An kashe fiye da mutane 1,400 a Isra’ila.

Ladan Nasidi.