Shugaban El Salvador Ya Bukaci A Bashi Hutun Aiki

Shugaban kasar Salvadora Nayib Bukele ya sanar da cewa zai nemi majalisar dokokin kasar a hukumance ta amince da hutun aiki nan da ‘yan kwanaki masu zuwa domin ba shi damar sake tsayawa takara a matsayin shugaban kasar Amurka ta tsakiya a shekara mai zuwa.

Kotun Zaben Kasar Ta Amince Da Takarar Bukele A Farkon Wannan Watan.

A cikin wani jawabi da ya yi ta gidan talabijin, Bukele ya ce yana neman hutun ne bisa hukuma “domin sadaukar da kaina ga yakin neman zabe,” amma bai bayyana sunan wanda zai maye gurbin shi na wucin gadi ba .

Yayin da masu sukar lamirin Bukele ke nuna shakku kan ikon Bukele na neman wa’adi na biyu a jere, saboda haramcin tsarin mulki, babbar kotun kasar ta yanke hukuncin cewa zai iya tsayawa takara a shekarar 2021.

Majalisa ce ta nada alkalan kotun, wanda jam’iyyar New Ideas ta Bukele ke mamaye.

Bukele zai iya lashe zaben 2024 cikin kwanciyar hankali, a cewar wani kuri’ar jin ra’ayin jama’a na baya-bayan nan, a wani bangare saboda farin jininsa da ya samo asali daga manufar yaki da kungiyoyin ‘yan ta’adda na tsawon shekara guda wanda ya rage yawan laifukan tashin hankali tare da tauye haƙƙin tsarin mulki.

REUTERS/Ladan Nasidi.