SMEs Jigon Samar Da Wadatar Tattalin Arziki – NCC

Hukumar kula da harkokin sadarwa ta Najeriya ta ce dagewar da kanana da matsakaitan sana’o’i da fara kasuwanci ke yi shine jigon samar da arziki da ayyukan yi da wadatar tattalin arziki.

Shugaban hukumar ta NCC Ubale Maska ne ya bayyana haka a lokacin bude taron Kanana da Matsakaitan Kanfanoni a tunkarowar fasaha’ wanda NCC ta shirya a Abuja, babban birnin Najeriya.

A cewarsa, dole ne masu kananan sana’o’i su taka rawar gani wajen ciyar da tattalin arzikin Najeriya gaba, samar da guraben ayyukan yi, da kuma tsara alkiblar makomar kasar.

Maska wanda Shugaban Sabbin Kafafan yada labarai da Tsaron Watsa Labarai, Dokta Chidi Diugwu ya wakilta, ya ce, “Shirin SMEs/Shirye-shiryen Kasuwanci na kasa yana wakiltar gagarumin ci gaba yayin da yake gabatar da wani dandali na Farawa don fassara sabbin dabarunsu zuwa ga zahiri.

“Har ila yau, yana ba da dama mai kima ga ’yan kasuwa don samun ilimi, faɗaɗa sana’o’insu, da ba da gudummawa mai ma’ana ga ci gaban ƙasarmu.

“Mun sami kanmu a kan sabon zamani, wanda SMEs da masu farawa ke daukar nauyin jagoranci don ciyar da tattalin arzikinmu gaba, samar da damar yin aiki, da kuma tsara yanayin makomar hadin gwiwarmu.

“Bari mu yi amfani da lokacin da ya dace, mu inganta ruhinmu, tare da samar da kyakkyawar makoma ga al’ummarmu.”

Ya kuma yi alkawarin mayar da tattalin arzikin hukumar ta hanyar kanana da Matsakaitan Kanfanoni SMEs, Start-ups, da sauran sabbin fasahohi domin dawo da tattalin arzikin kasar gaba daya.

Ladan Nasidi.