Shugaban Guinea-Bissau Ya Ce Yunkurin Juyin Mulki Ya Yi Sanadiyar Mutuwar Mutane

Shugaban kasar Guinea-Bissau Umaro Sissoco Embalo ya ce mummunan tashe-tashen hankula da suka hada da jami’an tsaron kasar “yunkurin juyin mulki ne” yayin da sojoji suka umarce su da komawa bariki.

 

Rikicin da ya barke tsakanin jami’an tsaron kasar da na musamman na masu tsaron fadar shugaban kasa a Bissau babban birnin kasar ya yi sanadin mutuwar akalla mutane biyu.

 

Embalo, wanda ke Dubai yana halartar taron sauyin yanayi na COP28, ya isa Bissau ranar Asabar kuma ya ce “yunkurin juyin mulki” ya hana shi dawowa.

 

Ya kara da cewa “Dole ne in gaya muku wannan aikin zai haifar da mummunan sakamako.”

 

Embalo ya ce an shirya yunkurin juyin mulkin ne kafin bikin ranar 16 ga watan Nuwamba na tunawa da zagayowar ranar sojoji.

 

Tun bayan samun ‘yancin kai daga kasar Portugal a shekarar 1974, karamar kasar ta yammacin Afirka ta fuskanci juyin mulki da yunkurin juyin mulki.

 

Embalo, wanda aka zabe shi a wa’adi na shekaru biyar a watan Disamba 2019, ya tsallake rijiya da baya a watan Fabrairun 2022.

 

Wani jami’in soji da ya bayyana sunansa saboda tsananin yanayin da ake ciki, ya ce sojoji 6 ne suka jikkata a fadan da aka kwashe su zuwa makwabciyar kasar Senegal.

 

Tun da tsakar ranar Juma’a ne aka samu kwanciyar hankali ga ‘yan karamar kasar da ke da tarihin rashin zaman lafiya, bayan sanarwar da sojoji suka yi na kama Kanar Victor Tchongo, kwamandan rundunar tsaron kasar.

 

A ranar Asabar din nan an rage yawan jami’an tsaro a Bissau, amma har yanzu ana ganin sojoji a kusa da wasu muhimman gine-gine kamar fadar shugaban kasa da hedikwatar ‘yan sanda na shari’a da wasu ma’aikatu.

 

Wasu jami’an tsaron kasar da sojoji sun tsere zuwa cikin kasar, a cikin wata sanarwa da rundunar ta fitar ranar Asabar, ba tare da tantance adadinsu ba.

 

Sanarwar ta ci gaba da cewa, “Shugaban rundunar sojin kasar nan yana sanar da su cewa dole ne su koma wurin aikinsu.”

 

Kungiyar raya tattalin arzikin kasashen yammacin Afirka (ECOWAS) ta ce “ta yi Allah wadai da tashin hankali da duk wani yunkuri na kawo cikas ga tsarin mulkin kasar da kuma bin doka da oda a Guinea-Bissau”.

 

“ECOWAS ta kara da yin kira da a kamo tare da hukunta wadanda suka aikata wannan aika-aika kamar yadda doka ta tanada,” kungiyar da ke Abuja ta kara da cewa a cikin sanarwar ta ranar Asabar.

 

Kungiyar yankin ta kuma bayyana “cikakkiyar goyon bayanta ga jama’a da hukumomin tsarin mulki na Guinea-Bissau”.

 

Kakakin babban magatakardar MDD Antonio Guterres, Stephane Dujarric, ya yi kira a yau Juma’a da a kwantar da hankula, ya kuma bukaci jami’an tsaro da sojoji “da su ci gaba da kauracewa tsoma baki a harkokin siyasar kasa”.

 

Jami’an tsaron kasar a yammacin jiya Alhamis sun kai farmaki ofishin ‘yan sanda domin fitar da ministan kudi Souleiman Seidi da sakataren baitulmali Antonio Monteiro, kamar yadda jami’an soji da na leken asiri suka bayyana.

 

Ana yi wa mambobin gwamnatin biyu tambayoyi ne kan yadda aka cire dala miliyan 10 daga asusun jihar.

 

An tsare su ne a karkashin umarnin masu shigar da kara na gwamnati, wadanda shugaban kasar ya bayyana sunayensu.

 

Embalo ya ce wani ya aika Tchongo ya cire Seidi daga tsare kuma ya sanar da cewa za a kafa kwamitin bincike a ranar Litinin.

 

Rundunar tsaron kasar dai tana karkashin ma’aikatar harkokin cikin gida ce, wadda kamar yawancin ma’aikatun kasar, jam’iyyar PAIGC ce ke da rinjaye, wadda kawancen ta ya lashe zaben watan Yunin 2023.

 

An sake tsare wasu jami’an gwamnatin biyu bayan da sojoji suka cire su daga hannun jami’an tsaron kasar.

 

Mai magana da yawun gwamnati Francisco Muniro Conte ya fada a ranar Asabar: “A koyaushe mun zabi aiwatar da dokar. Dole ne shugaban da aka zaba ya kammala wa’adinsa na mulki.”

 

“Ba za mu iya hana mutanen da ke fuskantar shari’a ba, idan da gaske ana mutunta doka,” in ji shi.

 

 

Africanews/ Ladan Nasidi.