An tsinci gawar Benjamin Kiplagat wanda ya wakilci Uganda a gasar Olympics uku a Kenya, rahotanni sun ce an daba masa wuka.
Kiplagat, mai shekaru 34, ya kai wasan kusa da na karshe a gasar Olympics ta London a shekarar 2012 a tseren gudun mita 3,000.
Rahotanni sun ce an same shi ne a cikin wata mota da raunuka a kirji da kuma wuyansa, kusa da garin Eldoret na kasar Kenya, wanda aka fi sani da cibiyar horar da ‘yan wasa.
‘Yan sandan Kenya sun ce sun fara gudanar da bincike kan mutuwarsa.
Wasannin guje-guje da tsalle-tsalle na duniya sun ce sun “kadu da bakin ciki” da labarin mutuwar Kiplagat.
BBC/Ladan Nasidi.
