Gidaje sun kama da wuta a garin Grindavik na kasar Iceland bayan da wasu fitattun tsaunuka guda biyu suka yi aman ruwan wuta.
Wani dutse mai aman wuta a tsibirin Reykjanes ya barke da sanyin safiyar Lahadi, inda ruwan wuta ya malalo zuwa garin masu kamun kifi.
Malalar ta zama “mafi munin yanayi” a cewar wani masani, tare da kwashe daukacin mutanen garin.
Kariyar da aka gina bayan fashewar wani abu a cikin watan Disamba na dauke da wani bangare na lafa, amma wasu an keta su.
An katse babban titin da ke shiga garin saboda kwararar ruwan wuta daga dutsen.
Da yake jawabi ga al’ummar kasar a wani watsa shirye-shirye kai tsaye da yammacin Lahadi, Shugaban kasar Iceland Gudni Johannesson ya bukaci mutane da su “tsaya tare da tausaya wa wadanda ba za su iya zama a gidajen su ba”.
Ya ce yana fatan lamarin zai lafa, amma “komai na iya faruwa”, kamar yadda kamfanin dillancin labarai na AFP ya ruwaito.
Girgizar kasa mai karfi a watan Disamba ta yi sanadiyar fashewar dutsen Svartsengi. A cikin makonnin da suka gabata, bayan gina ganuwa a kusa da dutsen mai aman wuta da ya narkar da dutse daga Grindavik da gidajen wasu mutane 4,000.
Hukumar kula da yanayi ta kasar Iceland ta bayyana cewa an kafa shinge a wasu wurare, wanda sakamakon ruwan wutar da ya kona gidaje da gine-gine.
Babu alamun katsewar jiragen cikin gida ko na kasa da kasa bayan fashewar. Lambar launi na IMO na yankin Reykjanes ya kasance kalar ruwan Dorawa a safiyar Litinin, wanda ke nuna fashewar da ke gudana tare da “ba ko ƙaramar toka”.
Jiragen sama daga filin jirgin saman Keflavik na kusa suna aiki kamar yadda aka saba.
BBC/Ladan Nasidi.
