Malamar kimiya ta Kenya, Rose Tata Wekesa, da alama ta karya tarihin duniya na darasin kimiyya mafi dadewa mara tsayawa.
Dakin gwaje-gwajen ajujuwa da ke babban birnin kasar Kenya, Nairobi, ya barke da sowa mai karfi yayin da agogo ya kai sa’o’i 50.
Amma Ms Wekesa ba ta gama ba kuma ta matsa sama da sa’o’i 50 da aka sa a gaba. A yanzu haka za a bukaci a tantance sakamakon Guinness World Records.
Ita malamar ilmin halitta da ilmin sinadarai ce a Kwalejin St. Austin, makarantar kasa da kasa a Nairobi.
A watan da ya gabata ta gaya wa gidan yanar gizon labarai na Citizen Digital mai zaman kansa cewa tana yin ƙalubalen ne saboda tana son “nuna ɓangaren kimiyya mai yuwuwa da ban sha’awa”.
Ta kara da cewa: “Ina so in ƙarfafa matasa a makaranta da suke so su zama malamai ta wajen nuna malami zai iya cimma abubuwa mafi girma fiye da aji.”
A halin yanzu ana watsa yunƙurin nata kai tsaye ta yanar gizo kuma tana gudana a Jami’ar Multimedia da ke Kenya.
BBC/ Ladan Nasidi.
