Shugaba Buhari Ya Baiwa Dr. Malami Lambar Yabo Ta (MFR)

Shugaban Najeriya Muhammadu Buhari ya amince da ba wa Dr. Malami Shehu Ma’aji Lambar Yabo ta kasa (MFR).

Hakan na kunshe ne a wata takarda da ministan ayyuka na musamman da harkokin gwamnati, Mista George Akume ya sanyawa hannu kuma ya aikewa Dr. Malami.

A wasikar mai lamba: FMSDIGA/NHA/001/93, Ministan ya ce: “Ina farin cikin sanar da kai cewa, Shugaban Tarayyar Najeriya, Mai Girma Muhammadu Buhari, GCFR, ya amince a baka lambar yabo ta kasa ta Karramawa a matsayin MFR (Member of Order of the Federal Republic)”.

A cewar Ministan, za a gudanar da bikin bada lambar yabon ne a cibiyar taron kasa da kasa da ke Abuja a ranar 11 ga watan Oktoba, 2022.

Akume ya Kuma taya Dr Shehu Malami murnar karramawar kasa a matsayin MFR.

AK