Zaben Gwamnan Edo: APC Ta Soki Zaben Fidda Gwani Ta Tsayar Da Ranar 22 Ga Fabrairu Domin Sake Zaben

Jam’iyyar All Progressives Congress, APC ta bayyana zaben fidda gwanin gwamnan jihar Edo da aka gudanar a ranar Asabar da ta gabata a matsayin wanda bai kammala ba.

Sai dai APC ta sanya ranar Alhamis 22 ga watan Fabrairun 2024 domin kammala zaben.

A wata sanarwa da ya fitar, Sakataren Yada Labarai na Jam’iyyar na Kasa, Felix Morka, ya ce kwamitin ayyuka na kasa, NWC, ya dauki matakin ne yayin wani taron gaggawa da aka gudanar ranar Talata a sakatariyar jam’iyyar ta kasa da ke Abuja, babban birnin kasar.

Morka ya ci gaba da cewa bayan tattaunawa da NWC a kan rahoton zaben fidda gwani na gwamnan jihar Edo, ya yanke shawarar ba a kammala aikin ba.

Takaddama dai ta biyo bayan zaben fidda gwanin da aka yi inda mutane uku suka yi nasara.

Idan za a iya tunawa, Gwamna Hope Uzodimma na jihar Imo wanda ke jagorantar kwamitin zaben jam’iyyar APC na jihar ya sanar da Dennis Idahosa a matsayin wanda ya lashe zaben, kuma jami’in karba-karba na jam’iyyar APC na jihar Mista Stanley Ogbuaje ya bayyana Sanata Monday Okpebholo a matsayin wanda ya lashe zaben.

Anamero Dekeri shi ma ya zama dan takara na uku da ya yi ikirarin nasara.

Ladan Nasidi.