Shugaban kasa Bola Ahmed Tinubu ya bayar da umarnin sauya jami’ar Nok da ke Kachia a jihar Kaduna zuwa jami’ar tarayya nan take.
Wannan umarnin ya biyo bayan hukuncin da wata babbar kotun tarayya ta yanke wanda ta bayar da umarnin a kwace cibiyar ta masu zaman kansu ga gwamnatin tarayya.
Yanzu haka dai jami’ar a hukumance ta nada Jami’ar Gwamnatin Tarayya da ke Kachia inda ta cika alkawari da al’ummar Kudancin Kaduna da suka dade suna yi.
Taron mika kadarorin jami’ar ga gwamnatin tarayya a hukumance ya gudana ne a fadar shugaban kasa da ke Abuja inda mataimakin shugaban kasa Kashim Shettima ya tabbatar da cewa taron ya nuna yadda gwamnatin ke kokarin ci gaban kasa da kuma hada kan kasa baki daya.
Mataimakin shugaban kasa Shettima ya yabawa shugaba Tinubu kan yadda ya ba da fifiko ga wannan shiri sannan ya bayyana goyon bayan manyan mutane irin su Janar Martin Luther Agwai (rtd) Bishop Matthew Hassan Kukah da Sanata Sunday Marshall wajen ganin an aiwatar da aikin.
VP Shettima ya bada tabbacin cewa jami’ar za ta fara aiki nan take tare da shirin sanya ta a cikin kasafin kudin tarayya na shekarar 2025 da kuma karbar dalibanta na farko a watan Satumba.
Ya kuma nanata kudirin gwamnati na inganta ababen more rayuwa a Kudancin Kaduna musamman a fannin gine-gine wanda tuni aka fara aiwatar da shi ta kokarin Gwamna Uba Sani.
Gwamna Sani ya nuna jin dadinsa ga shugaba Tinubu kan yadda jami’ar ta samu ci gaba inda ya bayyana hakan a matsayin wani gagarumin ci gaba ga al’ummar Kaduna.
Ya kuma yabawa VP Shettima bisa ci gaba da goyon bayansa. Sanata Sunday Katung wanda ya dauki nauyin kudirin kafa jami’ar ya kuma godewa shugaba Tinubu inda ya bayyana alfanun da jami’ar ta dade tana jira za ta kawo wa yankin.
Shugaban Hukumar Yaki da yi wa Tattalin Arzikin Kasa Ta’annati (EFCC) Ola Olukayode ya tabbatar da kwace kadarorin jami’ar Nok na karshe da suka hada da gine-ginen ilimi da masana’antar ruwa da otal na kasa da kasa da wurin taro ga gwamnatin tarayya.
Waɗannan kadarorin yanzu an keɓance su don amfani da sabuwar Jami’ar Fasaha ta Tarayya.
Shugaban hafsan tsaron Najeriya Janar Christopher Musa da Janar Martin Luther Agwai (rtd) suma sun yaba da kafa jami’ar inda suka bayyana godiyar su ga shugaba Tinubu bisa jajircewarsa na ci gaba da zaman lafiya a Kudancin Kaduna.
Sun kuma jaddada irin tasirin da jami’ar za ta yi ga Najeriya baki daya da samar da damammaki na ilimi da samar da zaman lafiya a yankin.
Ladan Nasidi.
