Jam’iyyar All Progressives Congress (APC) mai mulki ta jinjina wa shugaban Najeriya Bola Ahmed Tinubu inda ta yi bikin cikarsa shekaru 73 a duniya tare da nuna jajircewarshi da suka bayyana shugabancin shi.
Sakataren Yada Labarai na Jam’iyyar na Kasa Felix Morka ya ce sun amince da “Duwaruwar gadon Shugaban kasa wanda ke ci gaba da zaburar da al’ummar Nijeriya gaba daya.”
Mista Morka ya bayyana cewa wannan gagarumin tafiya da shugaba Tinubu ya yi tun daga farkon sa na Sanata zuwa lokacin da ya ke gwamnan jihar Legas da kuma yanzu a matsayinshi na shugaban kasa wata alama ce ta jajircewarsa na ci gaban Najeriya.
“A matsayinka na Gwamnan Jihar Legas ka bar gadon nasarorin da suka zama dandalin kaddamar da Legas a matsayin babban birni mai fa’ida mai matukar fa’ida fiye da na kasashen Afirka da dama gadon da magajinka a ofis suka ci gaba da karfafawa.” Mr. Morka ya ce.
Sakataren Yada Labarai na Kasa ya ce shugabancin Shugaban kasar ya kasance da tsare-tsare masu hangen nesa da jajircewa wajen fuskantar matsaloli da kuma kishin ci gaban kasa.
“A matsayinsa na shugaban kasa kuma babban kwamandan sojojin kasa shugaba Tinubu ya nuna jajircewarsa wajen aiwatar da kyawawan manufofi da gyare-gyare da nufin magance matsalolin tsararraki ga ci gaban kasa da maido da tattalin arzikin kasa.”
Jam’iyyar ta nuna farin cikinta da hadin gwiwarta da Shugaba Tinubu inda ta yi alkawarin ci gaba da goyon bayan shirin gwamnatinshi na Renewed Hope wanda ya ba da fifiko ga ci gaban tattalin arziki da tsaro da ci gaban zamantakewa ga daukacin ‘yan Nijeriya.
Mista Morka ya bayyana cewa “A madadin shugaban jam’iyyar mu ta kasa Dakta Abdullahi Umar Ganduje CON manyan ‘yan kwamitin ayyuka na kasa (NWC) da shugabanni da masu ruwa da tsaki da jiga-jigan jam’iyyar APC muna taya mai girma gwamna murnar wannan gagarumin bukin cika shekaru 73 da haihuwa.
Sakataren yada labarai na kasa ya ce yayin da shugaba Tinubu ke murnar zagayowar ranar haihuwarshi jam’iyyar APC na taya shi murna tare da yi masa addu’ar Allah ya kara masa lafiya da basira da kuma karfin da zai jagoranci al’umma gaba.
“Allah Madaukakin Sarki Ya kara muku alheri da karin hikima da lafiya mai kyau don ci gaba da hidimtawa kasarmu da ‘yan adamtaka” Mista Morka ya kara da cewa.
Ladan Nasidi.
