Domin tabbatar da ganin an cimma nasarar aikin uwargidan shugaban kasar Najeriya Misis Oluremi Tinubu wanda ke nuni da yadda kowa ya jajirce wajen samar da abinci da karfafa tattalin arziki, da noma mai dorewa a jihar Ebonyi da Najeriya uwargidan gwamnan jihar Ebonyi Mrs Uzomaka Nwifuru ta raba kayan amfanin gona, kayan aiki da sauran su ga manoman jihar 100.
Misis Nwifuru ta ce aiki ne na hadin gwiwa tsakanin gidauniyar BERWO da ma’aikatar noma da albarkatun kasa ta jihar Ebonyi.
Uwargidan gwamnan jihar Ebonyi ta yi hakan a Old Presidential Lodge da ke Abakaliki babban birnin jihar.
Ta ce noma a kodayaushe shi ne kashin bayan tattalin arzikin kasar nan kuma shi ne tushen abin dogaro ga iyalai.
“Duk da haka mutane da yawa musamman mata da matasa suna fuskantar manyan shingaye da ke hana su shiga cikakkiyar damammaki a wannan muhimmin sashe.
Shirin Tallafin Aikin Noma na Sabunta Bege yana neman magance waɗannan ƙalubalen ta hanyar ba da tallafi albarkatu da horo da aka yi niyya”.
Ladan Nasidi.
