Kasar Maroko na shirin saka hannun jarin dirhami biliyan 7 kwatankwacin dalar Amurka miliyan 760 a wani shiri na tara kaya a fadin kasar da nufin karfafa karfin tunkarar bala’i a kasar in ji kafofin yada labaran kasar.
Shirin ya biyo bayan umarnin Sarki Mohammed VI wanda aka bayar bayan mummunar girgizar kasa da ta afku a tsaunukan Atlas a watan Satumban 2023 wanda ya yi sanadiyar rayuka sama da 2,900 tare da lalata gidaje da muhimman ababen more rayuwa.
A cikin ‘yan shekarun nan Maroko na kara fuskantar hatsarori da suka hada da ambaliyar ruwa da gobarar daji da sanyi da fari Sabon aikin na tara kudi Dirhami biliyan 2 da aka ware don gina wuraren ajiya guda 36 da ke da fadin hekta 240 a fadin kasar nan. Sauran Dirhami biliyan 5 kuma za a yi amfani da su wajen sayo kayan agajin gaggawa.
Wadannan kayayyaki za su hada da barago da dakunan da tsaftace ruwa da na’urorin samar da wutar lantarki na gaggawa. Hakanan za a haɗa kayan aikin da aka ƙera don magance ambaliyar ruwa da zaftarewar ƙasa da haɗarin sinadarai.
A cikin wani labari na daban nesa da Maroko a titunan Mogadishu Somaliya Adam Abdulah Ali ya ba da lokacinsa don ceto dabbobin da suka bace – kuliyoyi da karnuka galibi ba a manta da su a cikin gwagwarmayar yau da kullun na birnin.
Reuters/Aisha.Yahaya, Lagos
