Shugaba Tinubu Ya jinjinawa ‘Yan Najeriya Burtaniya kan Nasarar Magajin Gari A Tarihi

Shugaba Bola Ahmed Tinubu ya taya ‘yan Najeriyar Birtaniya Opeyemi Bright da Jason Jackson murna kan zaben da suka yi na tarihi da nadin sarauta a birnin Landan.

Shugaban ya yabawa Bright da Jackson kan yadda ‘yan Najeriya ke ci gaba da gudanar da ayyukan alheri a kasashen waje da kuma ci gaba da inganta dabi’un gaskiya da rikon amana da aiki tukuru da sadaukar da kai ga rayuwar wasu.

Wata sanarwa da mai magana da yawun shugaban kasar Bayo Onanuga ya fitar a ranar Laraba din da ta gabata ya ce irin wannan labaran Mai kyau za zaburar da matasa masu kwazo dana cikin gida da kuma na kasashen waje domin ci gaba da yi wa al’ummarsu hidima ba tare da nuna bambanci ba.

An rantsar da Opeyemi Bright a matsayin Magajin Garin Barking da Dagenham inda ta kafa tarihi a matsayin karamar hukumar tana da shekara 29 kacal bayan shekaru bakwai tana yi wa al’ummarta hidima.
Jason Jackson ya kuma zama magajin garin Islington na farko haifaffen Najeriya tun lokacin da aka kafa wannan karamar hukuma a shekarar 1900 bayan da karamar hukumar ta samu ci gaba cikin sauri a matsayin kansila da shugaban kwamitin.

Kafin ya zama Magajin Gari Opeyemi Bright ita ce kansila mafi ƙanƙanta na gundumar yana da shekaru 22 abin da aka samu a cikin 2018.

An fara zaben Jackson a matsayin kansila a 2022 kuma ya zama Shugaban Kwamitin Gidaje da Al’umma na Islington a 2023.

“A madadin gwamnati da jama’ar Najeriya ina mika sakon taya murna ga masu unguwannin Opeyemi Bright da Jason Jackson. Ina rokon ku da ku ci gaba da ba da mafi kyawun a cikin sabbin ayyukanku a matsayinku na ‘yan asalin Barking da Dagenham da Islington na farko. Ina da cikakken kwarin gwiwa kan iyawarku kuma ina fatan kyakkyawan tasirin da zaku yi a gundumomin ku,” in ji Shugaba Tinubu

Aisha.Yahaya, Lagos