Gwamnan Jihar Kwara kuma shugaban kungiyar gwamnonin Najeriya NGF AbdulRahman AbdulRazaq ya yi kira ga masu ruwa da tsaki na jam’iyyar All Progressives Congress APC a shiyyar Arewa ta tsakiya da su marawa shugaban kasa Bola Tinubu bayan 2027 yana mai cewa yankin bai taba samun kulawa da alherisa Kamar haka ba.
Da yake jawabi a taron masu ruwa da tsaki na jam’iyyar APC a Arewa ta tsakiya da aka gudanar a Abuja AbdulRazaq ya ce shugaban kasar ya cika manyan alkawuran da ya daukarwa yankin ciki har da kafa hukumar raya yankin Arewa ta tsakiya kasa da shekara guda da gabatar da ita.
“A ranar 24 ga watan Mayun shekarar da ta gabata mun gabatar da wasu bukatu a gaban shugaban kasa babban abu shi ne kira na a kafa hukumar raya yankin Arewa ta tsakiya domin daidaita abubuwan da suka sa a gaba wajen ci gaba a matsayin mu na yanki.
Shekara guda an kafa wannan hukumar An nada ‘ya’yanmu maza da mata su jagoranci hukumar. Wannan babbar nasara ce a gare mu ” inji shi.
Gwamnan ya kuma yabawa shugaba Tinubu kan ayyukan samar da ababen more rayuwa na baya-bayan nan da dade-naden mukamai da aka yi wa ‘yan asalin shiyyar Arewa ta tsakiya ciki har da nadin sabon babban jami’in rukunin na Kamfanin Man Fetur na Najeriya.
A cewarsa, “Arewa ta tsakiya ba a taba samun wannan tagomashi ba a kasa baki daya. AbdulRazaq ya lura cewa yayin da gyare-gyaren Tinubu ya iya haifar da rashin jin daɗi na farko sun riga sun sami sakamako yana mai ba da shawarar “ƙididdigar tattalin arziki da za a iya aunawa” da kuma sabon tsarin kula da gandun daji na kasa wanda ya bayyana a Matson “kokari mai karfi” don inganta tsaro ta hanyar shigar da al’ummomin gida.
Ya kara da cewa “Duk da rashin jin dadi na wucin gadi na farkon matakin gyare-gyaren Mr. Gwamnan wanda kuma shi ne Kodinetan jam’iyyar a yankin Arewa ta tsakiya ya ce yana da kyau yankin ya ci gaba da marawa jam’iyyar APC da kuma shugaban kasa Tinubu goyon baya a 2027 domin a samu hadin kan kasa da dorewar ci gaban tattalin arziki da kwanciyar hankali a siyasance.
Taron dai ya samu halartar manyan masu ruwa da tsaki na jam’iyyar na shiyyar da suka hada da gwamnoni da ‘yan majalisa da sauran shugabannin jam’iyyar.
Aisha. Yahaya, Lagos
