Kungiyar gwamnonin Najeriya (NGF) ta mika sakon taya murna ga gwamna Chukwuma Soludo kan nasarar da ya samu a zaben gwamnan jihar Anambra da aka yi ranar Asabar da ta gabata.
Wata sanarwa dauke da sa hannun shugaban kungiyar wanda kuma shi ne gwamnan Jihar Kwara a ranar Lahadin da ta gabata, ta ce tazarar nasarar da aka samu ya nuna farin jinin gwamnan da shirye-shiryensa a tsakanin al’umma.
Yana karanta; “Muna da yakinin cewa wannan nasarar da ta dace za ta baiwa mai martaba damar karfafa manyan nasarorin da ya samu a bangarori daban-daban.
“Muna kuma taya al’ummar Anambra da duk masu ruwa da tsaki murnar gudanar da zaben cikin tsari da lumana – wata hujjar da ke nuna cewa ‘yan Najeriya sun rungumi tsarin dimokradiyya da bin doka da oda a matsayin zabin shugabanci.
Muna kuma yaba wa hukumar zabe mai zaman kanta da jami’an tsaro bisa yadda aka gudanar da zaben cikin tsari zuwa yanzu.”
Aisha. Yahaya, Lagos
