Mataimakin shugaban kasa Kashim Shettima ya kai ziyarar ban girma ga Gbong Gwom Jos da shugaban majalisar sarakuna da sarakunan jihar Filato Mai Martaba Jacob Gyang Buba.
Mataimakin shugaban kasar a yayin ziyarar ya bukaci ‘yan Najeriya da su rungumi hakuri da hadin kai yana mai cewa kasar na da damar zama daya daga cikin manyan kasashe a duniya idan ‘yan kasar za su zauna tare cikin lumana.
“Dukkanmu muna da alaƙa ɗaya ko wata hanya. Saboda haka dole ne mu ci gaba da rayuwa tare. Abin da ya haɗa mu tare ya wuce abin da ya raba mu” in ji Mataimakin Shugaban.
Da yake jawabi yayin gagarumin liyafar gwamnan jihar Filato Caleb Mutfwang da wasu jiga-jigan ‘yan siyasa a jam’iyyar APC Shettima ya yabawa sarakunan gargajiya kan rawar da suke takawa a cikin al’umma.
“Ba wai kawai masu kula da al’adunmu ba ne suna taimaka wa al’umma ta hanyar wa’azin zaman lafiya a tsakanin talakawansu” in ji shi.
Mataimakin shugaban kasar ya kuma yaba da kyakykyawar alaka tsakanin shugaban jam’iyyar APC na kasa Farfesa Nentawe Yilwatda da gwamna Mutfwang inda ya bayyana yadda siyasar su ke a matsayin ci gaba mai kyau ga jihar Filato.
“Shugaban jam’iyyar APC na kasa wanda dan asalin jihar ne ya yi jawabi mai karimci a wurin liyafar inda ya yi alkawarin bayar da cikakken goyon baya ga Gwamna tare da haduwar su jihar za ta kara samun ribar dimokuradiyya hakan yana da amfani ga al’ummar jihar”
Shettima ya bayyana kwarin gwiwar cewa hadin gwiwar zai karawa jihar martabar jihar da karfafa zaman lafiya da kuma taimakawa wajen tabbatar da zaman lafiyar kasa.
“Shugaban kasa shi ne abokin hamayyar Gwamna a zaben da ya gabata amma a yau sun amince su yi aiki tare ba za a samu ci gaba ba in ba zaman lafiya ba don haka idan aka hada su jihar za ta kara samun zaman lafiya.” Inji shi.
Mataimakin shugaban kasar ya godewa gwamnati da al’ummar jihar Filato bisa kyakkyawar tarbar da suka yi.
