Hukumar FA ta Ghana ta nada Chris Hughton a matsayin babban koci

Hukumar kwallon kafa ta Ghana (GFA) ta nada tsohon kocin Brighton & Hove Albion Chris Hughton a matsayin kocin Black Stars.

Nadin dai ya yi daidai da manufar hukumar kwallon kafar Ghana na ci gaba da aikin gina babbar tawagar da ta fara da Otto Addo a gaban gasar cin kofin duniya na FIFA na Qatar 2022.

🚨 Chris Hughton takes charge of the Black Stars 🇬🇭

📰: https://t.co/1UOf8aQAq9 @ghanafaofficial pic.twitter.com/IRFAaNW0jL

— 🇬🇭 Black Stars (@GhanaBlackstars) February 12, 2023

Hughton, mai shekaru 64, ya kasance mai ba da shawara kan fasaha na Black Stars tsawon watanni 12 da suka gabata.

Hukumar FA ta Ghana ta kuma yanke shawarar rike mataimakan kociyan George Boateng da Mas-Ud Didi Dramani. Kociyoyin uku na cikin tawagar kwararrun da za su buga gasar cin kofin duniya a Qatar

Ghana za ta buga gida da waje da Angola a wata mai zuwa, yayin da ake ci gaba da buga wasannin neman tikitin shiga gasar cin kofin nahiyar Afirka (AFCON).