Dan Majalisar ‘Yan adawar Zimbabwe Ya Bayyana A Kotu Akan Sabbin Tuhumomi

Dan majalisar dokokin Zimbabwe Job Sikhala da ke daure a gidan yari ya gurfana a gaban kotu bisa wasu sabbin tuhume-tuhumen da ake masa na rashin da’a.

Lauyansa Obey Shava ya ce tuhumar na da alaka da wani lamari da ya faru a watan Mayun 2022 inda Sikhala da magoya bayansa suka yi arangama da magoya bayan jam’iyyar Zanu-PF mai mulki a wajen wani taro tare da jifansu da duwatsu, lamarin da ya yi sanadin raunata wani mutum a cikin lamarin.

Sai dai ya musanta zargin da lauyansa Mista Shava ya ce an dage shari’ar zuwa watan Mayu bayan da masu gabatar da kara suka ce ba ta shirya ci gaba ba.

Ba a dai bayyana dalilin da ya sa aka kwashe kusan shekara guda ana gabatar da karar a gaban kotu ba.

Jam’iyyar adawa ta Citizens Coalition for Change ta bayyana zargin a matsayin cin zarafi na siyasa.

Rahoton ya ce an kama Mista Sikhala sau da dama.