Sudan: An Kashe Mutane 16 A Rikicin Kabilanci, An Kafa Dokar Ta Baci

Rahotanni sun ce akalla mutane 16 ne aka kashe a rikicin da ya barke tsakanin kabilun Hausawa da na Nuba, lamarin da ya sa gwamnan ya kafa dokar hana fita a jihar White Nile da ke kan iyaka da Sudan ta Kudu.

 

 

Jihar da ta taso daga Khartoum zuwa kan iyaka da kudanci, ya zuwa yanzu ba a tsira daga yakin baya-bayan nan tsakanin manyan hafsoshin sojan biyu da ke rike da madafun iko tun a shekarar 2021, wanda ya yi sanadin mutuwar daruruwan mutane, musamman a babban birnin kasar da kuma a Darfur.

 

 

Wannan tashin hankalin na kabilanci baya da alaka da gwagwarmayar mulki a Sudan.

 

 

Rikici tsakanin al’ummomi akai-akai yana barkewa a kasar Sudan kan samun ruwa da filaye, masu mahimmanci ga manoma da makiyaya, galibi daga kabilu masu gaba da juna, yayin da dimbin makamai ke yaduwa bayan yakin basasa na shekaru da dama.

 

 

“Rikicin kabilanci da ya barke ranar Litinin a Kosti,” babban birnin White Nile, “tsakanin Hausawa da Nuba, ya sake yin kamari a ranar Talata, inda ya kashe mutane 16 daga bangarorin biyu,” in ji jami’in.

 

 

An kuma sami “rauni da yawa da kona gidaje,” in ji shi.

 

Lamarin ya sa gwamnan ya ayyana dokar ta-baci daga karfe 20:00 zuwa 05:00 agogon gida (18:00-03:00 GMT), in ji hukumar.

 

 

Tuni a cikin watan Oktoba, rikicin da ya barke tsakanin Hausawa da kabilan da ke gaba da juna ya yi sanadiyyar mutuwar mutane fiye da 200 a jihar Blue Nile da ke kan iyaka da kasar Habasha.

 

 

Hausawa dai sun dade suna ikirarin cewa ana nuna musu wariya da dokar kakanni da ta haramta musu mallakar filaye a matsayin wadanda suka shigo a baya-bayan nan, lamarin da suke jayayya.

 

 

“Tun bayan juyin mulkin 2021, rikice-rikicen kabilanci da na kabilanci ya karu saboda rashin tsaro da juyin mulkin ya haifar”, in ji masana.

 

 

Batun samun fili yana da matukar muhimmanci a Sudan, inda noma da kiwo ke da kashi 43% na ayyukan yi da kashi 30% na GDP.