Sojojin Burundi tare da tawagar wanzar da zaman lafiya ta Tarayyar Afirka a Somaliya (ATMIS) sun yi bikin ranar samun ‘yancin kai na kasarsu karo na 61 a Mogadishu da Jawhar.
Abubuwan da suka faru a garuruwan biyu sun samu halartar manyan jami’ai da suka hada da ATMIS da wakilan Majalisar Dinkin Duniya.
Shugaban tawagar wanzar da zaman lafiya ta Tarayyar Afirka, Ambasada Mohamed El-Amine Souef, ya bayyana irin gagarumar gudunmawar da Burundi ke bayarwa wajen samar da zaman lafiya a Afirka, musamman a Somaliya da Afrika ta Tsakiya.
“Abin godiya ne a gare su cewa Burundi ta ba da gudummawa sosai wajen samar da ingantaccen zaman lafiya a duniya ta hanyar hanyoyin siyasa da aka kafa a kan sasantawa da kuma ci gaba da ba da goyon baya ga zaman lafiya da tsaro. Burundi ba ta taba jinkirin saka hannun jari a ayyukan wanzar da zaman lafiya ba, wanda ga mutane da yawa ke wakiltar fata na musamman na samun zaman lafiya kamar Somaliya da Afirka ta Tsakiya.”
Anita Kiki Gbeho, mataimakiyar wakilin babban magatakardar MDD a Somaliya, ta yaba da jajircewa da sadaukarwar dakarun wanzar da zaman lafiya na Burundi tare da tabbatar da ci gaba da goyon bayan MDD ga tawagar AU.
“Tare da sojojin Burundi fiye da 3,000 da suka himmatu wajen gudanar da aikin tallafawa zaman lafiya mafi girma na AU, kuna kawo sauyi a kullum ga tsaron al’ummar Somaliya.”
Burundi ta sami ‘yancin kai daga Belgium a ranar 1 ga Yuli, 1962.
Yankin yana cikin yankin da aka fi sani da Ruanda-Urundi a karkashin mulkin mallaka na Belgium, wanda kuma ya hada da kasar Ruanda a yanzu.
L.N
Leave a Reply