Rundunar ‘yan sandan jihar Nasarawa ta kama wani dan damfara da sauran wadanda ake zargi

Rundunar ‘yan sandan jihar Nasarawa ta kama tare da gurfanar da wasu mutane 30 da ake zargi da aikata laifuka daban-daban a fadin jihar.

Jami’in hulda da jama’a na rundunar ‘yan sandan jihar, DSP Ramhan Nansel ya bayyana haka a lokacin da yake gabatar da wadanda ake zargin a gaban ‘yan jarida a garin Lafia babban birnin jihar Nasarawa.

Ya ce daga cikin wadanda ake zargin har da wata kungiyar ‘yan ta’adda mai mutum shida da ake zargi da damfarar wasu masu neman aikin yi wadanda ba su ji ba gani ba, suna damfarar masu neman aikin yi, bisa hujjar cewa za su samu aikin yi a kungiyoyi masu riba.

Karanta Haka nan: Kwamishinan ‘Yan Sandan Jihar Anambara Ya Yi Alkawarin Yaki Da Laifukan Jihar

Ya yi nuni da cewa, an kama wadanda ake zargin da ke aiki a karkashin wata kungiya mara rijista, Quest International Company (QNet) biyo bayan korafe-korafe da wasu mutane 20 da abin ya shafa suka biya daga Naira 500,000 zuwa 650,000 ga kungiyar domin sama musu ayyukan yi amma suka kasa yin hakan.

DSP Ramhan Nansel ya ci gaba da bayanin cewa an kuma gabatar da wasu mutane 4 da ake zargin ’yan kungiyar asiri ne sakamakon wani rikici da ya barke tsakanin kungiyoyin asiri biyu; Black Ax da Green Bottle, wanda ya yi sanadiyar mutuwar mamba daya kowanne daga cikin kungiyoyin asiri biyu.

DSP ya kara da cewa, sauran wadanda ake zargin sun hada da Hamza Yusuf dan shekara 22 daga karamar hukumar Lafiya ta jihar da aka kama bisa laifin yin garkuwa da mutane domin neman kudin fansa, da yara biyu ‘yan tsakanin shekaru biyar zuwa takwas.

Kakakin ‘yan sandan ya kara da cewa za a gurfanar da wadanda ake zargin a gaban kotu bayan kammala bincike

L.N