Senegal ta Dauki Matakan Tsaro a kusa da Gidan Sonko

Gwamnatin Senegal ta ba da hujjar daukar matakan tsaro a kusa da gidan dan adawa Ousmane Sonko na Dakar, tana mai cewa “ba’a Kai hari ba “.

Mai magana da yawun gwamnati Abdou Karim Fofana ya ce an dage matakan ne saboda, “A yau, babu sauran kiraye-kirayen tayar da kayar baya, babu wata kasadar tada hankulan jama’a, don haka babu dalilin da zai hana zirga-zirga a unguwar Cite Keur Gorgui.”

Jami’an tsaro sun tare dan adawar a gidansa tun a ranar 28 ga Mayu saboda “tsaro na jama’a da tsaron kasa”, inda Sonko ya ce ana tsare da shi ba bisa ka’ida ba. An cire shingayen ’yan sandan da ke kofar gidansa a ranar Litinin.

Sonko, dan takarar shugaban kasa a zaben shugaban kasa na 2024, an yanke masa hukumci ne a ranar 1 ga watan Yuni bisa tuhumar “matsalolin cin hanci da rashawa”, wanda ya haifar da tarzoma mafi yaduwa da aka gani a Senegal cikin shekaru.

A baya ma an yanke masa hukunci a ranar 8 ga Mayu saboda zargin bata masa suna.

Hukuncin gidan yari ya sa Sonko bai cancanci tsayawa takara a zaben badi ba, a cewar lauyoyinsa da masana shari’a.

Magoya bayan Sonko sun yi tir da tuhumar da ake yi masa a matsayin wata dabara ta hana shi tsayawa takara.

Africanews/L.N