Wariyar Launin fata: Gwamnatin Finland Ta Tsira Daga Kuri’ar Rashin Amincewa

Gwamnatin kasar Finland ta tsallake rijiya da baya a zaben majalisar dokokin kasar da ‘yan adawa suka kira saboda badakalar wariyar launin fata da ta dabaibaye jam’iyyar da ke mulki a watan Yuni, kamar yadda  kididdiga ta nuna.

A cikin ‘yan kwanaki da hawan mulki a watan Yuni, jam’iyyu hudu, na hannun dama-dama, sun shiga cikin rudani, bayan da kafafen yada labarai na kasar Finland suka bayyana cewa, Ministocin jam’iyyar Finn mai tsatsauran ra’ayi, sun yi ta yada kalamai a baya, wadanda masu sukar suka dauka na nuna wariyar launin fata.

A wani yunƙuri na dakile durkushewar gwamnati a makon da ya gabata ta amince da wata manufa ta yaƙi da rashin haƙuri tare da gabatar da ita ranar Laraba don zama cikakken zaman majalisar.

Gamayyar dai ta tsallake rijiya da baya a zaben na ranar Juma’a tare da goyon bayan ‘yan majalisar wakilai 106 na ‘yan majalisar wakilai 200, yayin da ‘yan majalisar 65 suka goyi bayan matakin rashin amincewa da jam’iyyun adawa uku suka gabatar.

REUTERS/ Ladan Nasidi.