‘Yan Sandan Poland Sun killace Dandalin Warsaw

‘Yan sanda sun killace dandalin Pilsudski na Warsaw da kewayen babban birnin Poland.

Hakan na zuwa ne sakamakon wani rahoto da aka samu cewa wani mutum ya haura kan wani abin tarihi a dandalin tare da yin barazanar tarwatsa kansa.

Rahoton ya ce mutumin ya mika kansa ga ‘yan sanda. Hotunan da aka ɗora sun nuna shi yana hawa ƙasa daga wurin abin tunawa, yana cire jaket ɗinsa, yana tafiya da hannuwansa a cikin iska.

Lamarin dai ya zo ne kwana guda gabanin gudanar da zaben ‘yan majalisar dokokin kasar Poland.

Wani jami’in ‘yan sanda da ke wurin ya shaida wa manema labarai cewa: “Babu kofa, akwai bam,” amma kakakin ‘yan sandan da kamfanin dillancin labarai na PAP ya nakalto bai tabbatar da rahoton cewa mutumin na barazanar tayar da bam ba.

Hotunan da aka buga a dandalin sada zumunta na X, wanda aka fi sani da Twitter, sun nuna wani mutum a tsaye a saman babban abin tunawa na Smolensk, wanda ke tunawa da wadanda bala’in jirgin sama ya rutsa da su a shekarar 2010, wanda ya kashe mutane 96 ciki har da shugaba Lech Kaczynski da matarsa, Maria.

Rahoton ya ce jami’ai dari da dama ne suka shiga wani samame a kusa da dandalin, kuma wani dan jaridar bidiyo ya ga jami’an dauke da makamai suna isa wurin.

Wani bako a otal din Sofitel, wanda ke fuskantar dandali, ya ce an gaya musu su bar ginin ne kawai ta hanyar fita ta baya.

REUTERS/Ladan Nasidi.