Gwamna Radda Ya Kara Neman Halartar Sojoji A Jihar Katsina

Gwamnan jihar Katsina, Dakta Dikko Umar Radda, ya yi kira da a kara yawan sojoji a jihar.

 

Ya bayyana haka ne a lokacin da ya ziyarci babban hafsan tsaron kasa (CDS), Janar Christopher Musa a hedikwatar tsaro (DHQ), Abuja.

 

Gwamnan ya ce “ makasudin ziyarar tasa ita ce yaba wa rundunar sojojin Nijeriya (AFN) bisa gagarumin goyon bayan da suke bayarwa wajen dakile matsalar rashin tsaro a jihar Katsina.”

 

Ya kara da cewa ya kuma kasance a DHQ “don nuna jin dadinsa kan rawar da AFN ke takawa wajen dakile miyagun laifuka,” yayin da ya yi kira da a kara ba sojoji kudade don ba su damar gudanar da ayyukansu ba tare da wata tsangwama ba.

 

Gwamna Radda ya kuma yi amfani da damar wajen cudanya da CDS a kan kokarin da jihar ke yi na yaki da miyagun laifuka ta hanyar kafa kungiyar sa ido ta jihar.

 

Gwamnan ya ce jami’an tsaron sun fito ne daga cikin matasa da sauran ‘yan asalin jihar domin taimaka wa sojoji wajen yaki da miyagun laifuka.

 

Dokta Radda ya lura cewa jihar Katsina na da kusanci da jamhuriyar Nijar, don haka ya bukaci da a kara sanya ido ga sojoji domin kaucewa tabarbarewar tsaro.

 

Babban hafsan hafsoshin tsaron Najeriya Janar Christopher Musa a nasa martanin ya godewa gwamnan bisa ziyarar da ya kai masa.

 

Ya kuma tabbatar wa da gwamnan jihar kan kudurin Sojoji na yaki da rashin tsaro a jihar da ma kowane bangare na kasar nan.

 

Janar Musa ya kuma yabawa gwamnan bisa kokarinsa na kafa rundunar tsaron jihar.

 

Wannan ya ce “zai taimaka matuka wajen dakile wannan barazana,” yayin da ya yi kira ga sauran jihohi da su yi koyi da ra’ayin abin yabo.

 

Ya kara da cewa, idan wasu jihohi suka rungumi ra’ayin nasu kayan tsaro, hakan zai taimaka wajen kawo saukin yaki da miyagun laifuka a Najeriya.

 

Hafsan tsaron ya kuma ce akwai bukatar jihohi da sojoji su kafa wuri guda domin yaki da rashin tsaro a kasar.

 

 

Ladan Nasidi.