Afirka Ta Kudu Ta Yi Kira Ga Majalisar Dinkin Duniya Da Ta Kare Gaza

Afirka ta Kudu ta ce ya kamata Majalisar Dinkin Duniya ta tura abin da ta kira “Rundunar kariya cikin gaggawa” domin shiga tsakani a rikicin Isra’ila da Gaza “domin kare fararen hula daga ci gaba da kai hare-hare”.

A cikin wata sanarwa mai zafi, ma’aikatar hulda da kasashen duniya ta bayyana adadin yaran da aka kashe ya zuwa yanzu a rikicin tare da zargin Isra’ila da keta dokokin kasa da kasa.

Isra’ila ta kare harin bama-bamai da kuma mamayar kasa da ta kai Gaza bisa hujjar kariyar kai, bayan kashe mutane 1,400 da Hamas ta yi a ranar 7 ga Oktoba. An yi garkuwa da mutane 230 .

Ma’aikatar lafiya ta Hamas a Gaza ta ce sama da mutane 8,000 ne aka kashe tun bayan fara harin ramuwar gayya na Isra’ila.

BBC/ Ladan Nasidi.