Binciken BVAS: Jamiyyar Labour Ta Zargi INEC Da Kin Bin Umarnin Kotu A Jihar Imo

Jam’iyyar Labour Party, LP a jihar Imo, ta zargi Hukumar Zabe Mai Zaman Kanta ta Kasa, INEC, da hana ta duba na’urar tantance masu kada kuri’a, BVAS, da aka yi amfani da ita wajen zaben Gwamna a ranar 11 ga watan Nuwamba.

 

Shugaban jam’iyyar na jihar, Mista Callistus Ihejiagwa ne ya yi wannan zargin a wani taron manema labarai a Owerri, babban birnin jihar.

 

Ihejiagwa ya ce hana shiga BVAS ya saba wa umarnin kotun sauraron kararrakin zabe da ta yi zaman ta a Owerri a ranar 26 ga watan Nuwamba.

 

Rahoton ya nuna cewa jam’iyyun LP, PDP, YPP da APGA ne suka mika takardar neman duba kayan ga hukumar zabe ta INEC.

 

A ranar 26 ga watan Nuwamba ne dai kotun ta baiwa INEC wa’adin zuwa ranar 1 ga watan Disamba, da ta samar da kayan zabe ga LP domin dubawa da tantance masu bincike.

 

Ihejiagwa ya kuma ce binciken kwakwaf na kayan zabe da suka hada da BVAS na daga cikin umarnin kotun.

 

A cewar sa, a ranar Larabar da ta gabata, INEC ta ki amincewa da samar da BVAS domin dubawa, inda ta nace cewa hedkwatar hukumar ce kadai ta ke da ‘yancin ba da damar shiga BVAS domin dubawa.

 

Ya ce hukumar, duk da haka, ta samar da injunan BVAS sama da 5,000 65 ne kawai don dubawa tare da hana tawagar LP ta kwararru damar duba injinan.

 

“Saɓanin umarnin kotu na bincikar injinan BVAS, jami’in hukumar INEC yana karanta alkaluman tantance mashin ɗin ba tare da ba mu damar samun Kofin da aka amince da shi.

 

“Muna da kasa da sa’o’i 24 domin bincika na’urorin BVAS, mu tattara mu gabatar da binciken mu ga kotun, amma a nan muna jiran samun damar yin amfani da injinan.

 

Ihejiagwa ya ce “Kotu ta ba da umarnin bincikar BVAS saboda haka BVAS na kunshe ne a cikin hukuncin kotun.”

 

Har ila yau, Mista Okwudili Anozie, mashawarcin dan takarar gwamna na jam’iyyar LP, Sen. Athan Achonu, ya bayyana cewa, umarnin da kotun ta bayar na tantance na’urorin BVAS, zai taimaka wajen tabbatar da cewa ba a yi wa na’urorin ba kafin da kuma bayan zaben.

 

Ya yi tir da rashin bin umarnin INEC tare da jaddada amincewar jam’iyyar ga bangaren shari’a domin tabbatar da adalci.

 

Ku tuna cewa shugabar wayar da kan jama’a da wayar da kan masu zabe ta INEC, Mrs Emmanuella Ben-Opara, a ranar Talata, ta tabbatar da cewa kayayyakin da aka nema domin dubawa sun shirya kuma suna jiran a duba su.

 

 

NAN/Ladan Nasidi.