Gwamnatin Jamhuriyar Dimokaradiyyar Kwango ta sanar da cewa za a haramta zanga-zangar da ‘yan adawa suka shirya a ranar Laraba domin nuna rashin amincewar su da “lalata” da suka yi ikirarin tafka magudi a zaben na ranar 20 zuwa 21 ga Disamba.
Ministan harkokin cikin gida Peter Kazadi ya shaida wa manema labarai cewa “Manufar zanga-zangar ita ce ta gurgunta tsarin zaben, kuma gwamnatin Jamhuriyar ba za ta amince da hakan ba.”
“Zan iya tabbatar muku cewa ba za a yi irin wannan tattakin ba”, in ji shi.
A wata wasika da aka fitar a ranar Asabar, ‘yan takarar shugaban kasa biyar na ‘yan adawa sun sanar da gwamnan Kinshasa aniyarsu ta shirya wani tattaki a ranar Laraba.
“Za mu yi zanga-zangar adawa da kura-kuran da aka samu yayin gudanar da zabe”, in ji su, suna bayyana kuri’ar a matsayin “zaben kunya”.
Wadannan ‘yan adawar sun hada da Martin Fayulu, dan takarar da bai yi nasara ba a zaben 2018, da Denis Mukwege, wanda ya lashe kyautar zaman lafiya ta Nobel saboda aikinsa da matan da aka yi wa fyade a lokacin yaki.
Sansanin wani dan takarar adawa, tsohon gwamnan yankin kudu maso gabashin Katanga, Moise Katumbi, ya yi kira da a soke zaben gaba daya.
Tun a ranar 20 ga Disamba, ‘yan adawa sun bayyana zaben a matsayin “hargitsi”.
Kusan masu kada kuri’a miliyan 44, daga cikin al’ummar kasar kusan miliyan 100, an yi kira a ranar Larabar da ta gabata da su zabi shugabansu, mataimakan su na kasa da na larduna da kuma kansiloli.
Sakamakon matsalolin kayan aiki da dama, an tsawaita kada kuri’a sau hudu a hukumance da rana daya, kuma ana ci gaba da gudanar da zaben har zuwa Kirsimeti a wasu yankuna masu nisa.
Sakamakon zaben shugaban kasa da hukumar zaben kasar ta fitar ya nuna cewa, shugaban kasar mai ci Félix Tshisekedi ya samu nasara, inda aka kirga sama da kashi 80% na kuri’u miliyan 1.8.
Africanews/Ladan Nasidi.
