Dan majalisar wakilai mai wakiltar mazabar Ikwo/Ezza ta kudu a jihar Ebonyi Kwamared Chinedu Ogah, ya nuna jajircewar sa wajen kyautata rayuwar al’umma ta hanyar raba kayan agaji da tsabar kudi na miliyoyin naira a yayin taron wayar da kan mabukata da al’ummar mazabar sa na shekara- shekara.
Kwamared Ogah wanda kuma shi ne na biyu a lokacin da shugaban kwamitin majalisar wakilai mai kula da cibiyoyi na garambawul a majalisar wakilai ya raba kyautar kayayyakin ga al’ummar mazabar sa a mahaifarsa da ke Item Amagu da ke karamar hukumar Ikwo a jihar Ebonyi ta kudu maso gabashin Najeriya.
A cewar dan majalisar, an shirya taron na shekara-shekara ne domin karfafawa al’ummar mazabar sa da kuma tabbatar da cewa sun kasance ‘yan asalin jihar ne.
“Kuri’ar talakawa ce nake wakilta, idan ba don hadin gwiwar kokarin su ba, da ban kasance a majalisar kasa a yau ba,” in ji Ogah.
“Ni mai gata ne kawai a gaban talakawan da nake wakilta domin dukkan mu mun cancanci zama a Majalisar Dokoki ta kasa.
Ogah ya ci gaba da cewa, “A gaskiya ni na wakilce su, ya zama wajibi na yi musu hisabi, na yi musu hidima, na ciyar da su, ya kuma zama wajibi na karbi kiran nasu.
Karanta Haka: Bikin Kirsimeti: Uwargidan Gwamnan Jihar Anambra Ta Raba Kaya Ga Gidajen Marayu.
Kakakin Majalisar Nasarawa Ya Raba Kyautar Kirsimeti Ga Zawarawa, Marasa Rinjaye
Sai dai ya yaba da salon jagoranci na shugaban kasa Bola Ahmed Tinubu da gwamnan jihar Ebonyi, Cif Francis Ogbonna Nwifuru, inda ya jaddada ajandar ‘Renewed Hope’ da ‘People’s Chatter of Needs’ bi da bi. Ya bukaci daukacin ‘yan kasa da su bayar da tasu gudunmawar wajen ci gaban kasar nan tare da amincewa da tallafa wa gwamnatoci a matakin tarayya da na jihohi.
Taron ya samu halartar manyan baki da masu ruwa da tsaki na jam’iyyar APC na jihar Ebonyi da wajen ta, ‘yan sauran jam’iyyun siyasa, mambobin majalisar zartarwa ta jiha, kungiyoyin tallafi daban-daban, Shugabannin Masanaantu, Hakiman Kauye, Sarakunan gargajiya, Al’ummar Hausawa da sauran manyan baki.
Kayayyakin da aka raba wa mutanen sun hada da Babura, buhunan shinkafa, buhunan wake, tufafi, barguna, kudi da dai sauransu.
Ladan Nasidi.
