Wata babbar gobara daga fashewar iskar gas ta tashi a Nairobi babban birnin kasar Kenya, ta kashe mutane akalla biyu tare da jikkata akalla 222.
Wata babbar mota dauke da iskar gas ta fashe a gundumar Embakasi da misalin karfe 23:30 (20:30 agogon GMT), “inda ta yi sanadiyar tashin wata babbar gobara”, in ji mai magana da yawun gwamnati.
Gidaje da wuraren kasuwanci da motoci sun lalace tare da faifan bidiyo da ke nuna yadda wata babbar gobara ta tashi a kusa da katangar gidaje.
Tun da farko dai gwamnatin kasar ta ce fashewar ta faru ne a wata tashar iskar gas. Har yanzu ana kan gano dalilin.
Mista Mwaura ya ce kwallon gobarar da fashewar ta tashi “ya bazu ko’ina”, kuma wata silinda mai tashi da iskar gas ta afkawa wani dakin ajiyar tufafi da masaku, inda ta kone ta.
An kuma bayyana cewa gobarar ta bazu a wasu gidaje da dama.
Shaidu sun shaidawa kafafen yada labaran kasar cewa sun ji girgiza kai tsaye bayan fashewar.
An ce yawancin wadanda suka jikkata sun samu raunukan numfashi kuma sun hada da akalla yara 25, kamar yadda rahotanni suka bayyana.
Daya daga cikin wadanda suka jikkata, Boniface Sifuna, ya bayyana abin da ya faru, “ta rutsa da ni da wata tankar iskar gas da ta fashe a lokacin da nake kokarin tserewa,” in ji shi.
“Ya fashe a gabana kuma tasirin ya girgiza ni kuma wutar ta rutsa da ni. Na yi sa’a da na yi karfin da zan iya tserewa.”
Wani ganau da ba a bayyana sunansa ba ya yi magana game da “manyan abubuwa ne suka rinka fashewa, mutane na kururuwa da gudu a ko’ina saboda tsoron karin fashewar”.
Gidaje da wuraren kasuwanci da motoci sun lalace tare da faifan bidiyo da ke nuna yadda wata babbar gobara ta tashi a kusa da katangar gidaje.
Tun da farko dai gwamnatin kasar ta ce fashewar ta faru ne a wata tashar iskar gas. Har yanzu ana kan gano dalilin.
An kuma bayyana cewa gobarar ta bazu a wasu gidaje da dama.
Wani ma’aikacin kashe gobara ya je wurin da wani abu ya fashe a wani wurin ajiyar iskar gas na wucin gadi da ke rukunin gidaje dake gundumar Embakasi a birnin Nairobi.
MradiFirefighters a wurin da gobarar ta tashi
Wani dan jaridan kasar da ke zaune a yankin ya ce kowa ya bar gidajensu bayan tashin bam din.
Kungiyar agaji ta Red Cross ta Kenya ta fada a shafukan sada zumunta cewa ma’aikatan sun yi “ba da gudummowa wajen fama da kasha wutar”.
Kakakin gwamnatin kasar Isaac Mwaura ya ce, an tabbatar da tsaron wurin da fashewar ta auku, sannan an kafa wata cibiyar bada umarni da za ta taimaka wajen hada kai da ayyukan ceto.
Ya kara da cewa, “An shawarci ‘yan kasar Kenya da su kaurace wa wurin da aka killace domin ba da damar gudanar da aikin ceton.
BBC/ Ladan Nasidi.
