Mai Shiga Tsakani Na ECOWAS Ya Sake Jaddada Alkawari Ga Burkina Faso

Mai shiga tsakani na kungiyar ECOWAS a Burkina Faso ya kawo karshen ziyararsa a kasar bayan juyin mulkin da aka yi a ranar Juma’ar da ta gabata, wanda shi ne na biyu cikin watanni takwas.

Mahamadou Issoufou ya gana da sabon kaftin Ibrahim Traoré na kasar.

Da yake zantawa da manema labarai bayan taron, mai shiga tsakani na kungiyar ECOWAS ya jaddada aniyarsa ga al’ummar Burkina Faso.

“Za mu bayar da rahoton aikin mu ga shugaban ECOWAS na yanzu da kuma shugabannin kasashe. Amma na riga na tabbatar muku cewa ECOWAS za ta ci gaba da kasancewa a bangaren al’ummar Burkina Faso.

Za mu ci gaba da raka ‘yan Burkina Faso cikin wannan mawuyacin hali da suke ciki”, in ji Mahamadou Issoufou, mai shiga tsakani na kungiyar ECOWAS a Burkina Faso.

A yayin ganawar, sabon shugaban Burkina Faso ya yi alkawarin cika alkawuran da shugabannin da suka gabata suka dauka a watan Yuli dangane da shirya zabe da kuma dawowar farar hula kan karagar mulki kafin watan Yulin 2024 a karshe.

labaran africa