Hukumar Kwastam Najeriya Ta Sha Alwashin Ci Gaba Da Yaki Da Masu Yiwa Tattalin Arzikin Zagon Kasa.
Hukumar Kwastam a Najeriya (NCS) ta sha alwashin ci gaba da yakin da yankar da masu yi wa tattalin arzikin kasa zagon kasa ta hanyar kara kaimi wajen yaki da fasa-kwauri a yankin arewa maso gabas tare da kakkabe manyan motocin dakon kaya na Premium Motor Spirit (PMS) da motocin da ke dauke da jimillar Duty Pay Value (DPV) sama da ₦63 miliyan.
An samu wannan nasarar ne ta hanyar Operation Whirlwind wani shiri da aka yi niyya don yakar safarar PMS a wajen Najeriya.
Kodinetan hukumar na kasa Mataimakin Kwanturola-Janar na Hukumar Kwastam (ACG) Hussein Ejibunu ne ya sanar da hakan a Yola babban birnin jihar Adamawa. Ejibunu wanda ya wakilci Kwanturola-Janar na Hukumar Kwastam Adewale Adeniyi ya bayyana sakamakon a matsayin sakamako karara na jami’an leken asiri da hadin kai a yankin ‘D’.
ta bayyana cewa an kama jarkoki 1,959 wadanda adadinsu ya kai kusan lita 49,000 na PMS tare da motoci biyar da aka yi amfani da su wajen jigilar su. An kama mutanen ne ta hanyar fitattun hanyoyin fasa kwabri da suka hada da Dasin-Fufore, Belel-Farang, Mubi-Sahuda, Maiha, da Girei-Wuro Bokki. “Masu fasa kwauri sun gudu bayan da suka ga jami’an Kwastam inda suka yi watsi da haramtattun kayayyaki a kokarinsu na gujewa kamawa” in ji ACG Ejibunu.
Ya kara da cewa “aikin ya yi daidai da manyan manufofin gwamnatin tarayya na kare tattalin arzikin kasa karkashin jagorancin Kwanturola-Janar na Hukumar Kwastam Adewale Adeniyi da kuma jagorancin Shugaba Bola Tinubu”.
Mataimakin Kwanturola-Janar ya jaddada cewa wargaza hanyoyin samar da man fetur ba bisa ka’ida ba yana dakile karanci da daidaita farashin kasuwa da kuma karfafa tsaron kasa. “Wannan ita ce gudunmawar da muke bayarwa don kare albarkatun kasa da kuma karfafa karfin tattalin arziki” in ji shi
Kamar yadda sashe na 245 na dokar hukumar kwastam ta Najeriya ta shekarar 2023 za a yi gwanjon man fetur da ake iya ƙonewa nan take kuma za a biya kuɗin da aka samu a asusun tarayya.
Ejibunu ya kuma yi kira da a zurfafa hadin gwiwa da al’ummomin kan iyaka tare da karfafa gwiwar masu rike da sarautun gargajiya da su rika jawo hankalin matasa da ma’ana tare da hana su ayyukan fasa-kwauri wanda ya bayyana a matsayin ayyukan zagon kasa ga tattalin arziki.
“Yakin da ake yi da fasa kwauri ba na Kwastam kadai ba ne yana bukatar hadin kan al’umma da kafafen yada labarai da duk masu ruwa da tsaki” in ji shi.
Ya kuma yaba da goyon bayan da ofishin mai baiwa shugaban kasa shawara kan harkokin tsaro da hukumar kula da harkokin man fetur ta Najeriya Midstream da Downstream da ofishin babban lauyan gwamnatin tarayya da kuma yankin Adamawa da Taraba suke ba shi. Ya kuma yaba wa hukumomin ‘yan uwa bisa hadin kai da suke yi a duk tsawon wannan aiki.
Aisha.Yahaya, Lagos
