Jihar Zamfara: Gwamna Lawal ya rage Yawan ma’aikatu zuwa 16

Gwamna Dauda Lawal na jihar Zamfara ya rattaba hannu a kan dokar rage ma’aikatun jihar daga 28 zuwa 16 da nufin inganta ayyukan yi.

An bayyana hakan ne ta wata sanarwa da babban daraktan yada labarai da sadarwa na ofishin gwamnan, Malam Nuhu Anka ya fitar a Gusau babban birnin jihar.

Gwamnan ya bayyana cewa sake fasalin ma’aikatu da hukumomin gwamnati na da nufin rage tsadar harkokin mulki da inganta samar da ayyuka masu inganci.

“Sake fasalin shi ne tabbatar da aikin ceto gwamnatin Lawal a jihar.

“Sake fasalin zai kuma shafi sauran ma’aikatun gwamnati, hukumomi da ma’aikatun gwamnati da nufin tabbatar da inganci, aiki da kuma guje wa sakewa,” in ji shi.

Lawal ya tabbatar da cewa za a nada mutane masu gaskiya da aiki tukuru a ma’aikatu domin inganta harkokin gudanar da mulki da za su ci gaban jihar.

Don haka gwamnan ya bukaci al’ummar jihar da su marawa manufofi da shirye-shiryen gwamnati baya.

“Manufar sake fasalin za ta samar da damammaki da samar da ayyukan yi ga ‘yan kasa da kuma karfafa ayyukan gwamnati.

Gwamnan ya kara da cewa “Mutane kuma su ci gaba da yin addu’o’in samun zaman lafiya da kwanciyar hankali a jihar.”

L.N