Yan Sanda Sun Kama Tirela Dauke Da Siminti Da Aka Sace A Anambara

Jami’an ‘yan sanda a jihar Anambra sun samu nasarar kwato wata tirela dauke da siminti, wanda wasu ‘yan bindiga da ba a tantance ba suka yi awon gaba da mai shi suka karkatar da ita cikin daji.

Tirelar mai dauke da buhunan siminti 1000, an sace ta ne da bindiga a Obiliokite a jihar Delta amma an gano ta a wani daji dake Okija, karamar hukumar Ihiala ta jihar Anambra.

A wata sanarwa da DSP Ikenga Tochukwu ya fitar, jami’in hulda da jama’a na rundunar ‘yan sandan, ‘yan sandan da ke aiki da hedkwatar rundunar ‘yan sandan yankin, Ihiala, da ke aiki tare da jami’an ‘yan banga na jihar Anambra a Okija, sun kwato tirelar HOWO guda daya mai dauke da Reg. No. Delta AKU 247 XB isar da buhunan bua siminti 1000.

Bayanai sun nuna cewa wasu da ba a san ko su waye ba ne suka yi awon gaba da motar da bindiga a ranar 14/07/2023 a Obiliokite a jihar Delta.

’Yan ta’addan da suka hangi sintiri na hadin gwiwa da suka hada da ‘yan sanda da ‘yan banga a kan hanyar Onitsha zuwa Owerri, sun tashi daga kan titin Okija, suka yi watsi da motar, suka gudu.

A halin da ake ciki, kwamishinan ‘yan sanda, CP Aderemi Adeoye ya bayar da umarnin a farauto ‘yan bindigar.

Ya yi kira ga al’ummar yankin da su taimaka da duk wani bayani mai amfani da zai taimaka wajen cafke wadanda ake zargi da guduwa.

Ya ba da tabbacin cewa duk wani bayani da aka bayar dangane da haka za a bi da shi cikin sirrin da ya dace.

Ana kira ga jama’a masu amfani da bayanai kan masu aikata laifuka da ayyukansu da su kira Control room mai lamba 07039194332. Haka kuma, an mika kayan da aka kwato ga mai hakki bisa umarnin kwamishinan ‘yan sanda.