Shugaban Uganda Ya Bukaci Masallatai Da Coci-coci Da Suyi Taka Tsan-tsan

Shugaban Uganda Yoweri Museveni ya yi magana game da mahimmancin yin taka tsantsan saboda barazanar ta’addanci.

Yana kira ga dukkan ‘yan Uganda da su yi taka tsantsan idan ana maganar wuraren ibadarsu da wuraren jin daɗi.

A wani jawabi da ya yiwa al’ummar kasar ta Talabijin, shugaba Museveni ya shawarci kowa da kada ya bar mutanen da ba su sani ba su shiga majami’u da masallatansu.

Idan ka ga wani baƙon abu, gaya wa ‘yan sanda game da shi.

Ya ce, “Kada ku bari wanda ba ku sani ba ya shiga cocinku ko masallacin ku. Idan baƙi suna son shiga, yi musu tambayoyi, ku nisanta su, kuma ku sanar da ’yan sanda.”

Ya kuma ambaci otal-otal da gidajen kwana, yana mai cewa su kwashe bayanan mutanen da suka sauka a wurin.

Tabbatar sun nuna maka katin shaidar su tare da hotunansu a kansu.

Shugaba Museveni na son kowa ya nutsu duk da barazanar da mayakan Allied Democratic Forces (ADF) ke yi.

Ya kuma tabbatar wa da mutane cewa jami’an tsaro na ci gaba da nemansu.

Wannan dai na zuwa ne bayan da ‘yan sanda a Uganda suka dakatar da wani harin bam da aka kai a wata Coci a Kampala tare da gano wasu bama-bamai guda biyar a washegari.

Africanews/Ladan Nasidi.