Majalisar Dattawa ta yi watsi da kudirin dokar da ke neman tsawaita wa’adin hidimar ma’aikatan Majalisar da karin shekaru biyar.
Majalisar ta ki amincewa da kudirin dokar, wanda aka zartar a zauren majalisar a ranar Alhamis a zauren majalisar.
An samu rashin jituwa tsakanin ‘yan majalisar a majalisar dattijai bayan da shugaban majalisar dattawa, Sanata Opeyemi Bamidele (APC-Ekiti) ya gabatar da kudirin dokar don a hade.
Yayin da Sanata Sumaila Kawu (NNPP Kano) ya bayyana goyon bayansa ga kudurin, wasu da suka hada da Sanata Enyinnaya Abaribe (APGA-Abia) Ali Ndume (APC Borno) sun bayyana ra’ayinsu game da kudurin, inda suka ce zai kawo cikas ga ma’aikatan Najeriya.
Abaribe ya ce ya ki amincewa da kudurin dokar, domin babu bambanci tsakanin ma’aikatan majalisar dokokin kasar da ke da ilimi na musamman a matsayin Daraktan kudi da kuma Daraktan kudi a ma’aikatar kudi ta tarayya.
Abaribe ya ce: “Na kuma duba shekarun ritayar malaman jami’a da jami’an shari’a da muka yi kusan lokaci guda.
“Kuma na gangaro wurin jami’an Majalisar, na yi wata tambaya mai sauki;
“Mene ne bambanci tsakanin mutumin da ke zama Daraktan Kudi a Majalisar Dokoki ta Kasa da na Ma’aikatar Kudi?
“Ban ga abin da ya raba wanda ke aiki a ciki a matsayin ma’aikacin Majalisar Dokoki ta kasa da wanda ke aiki a ma’aikatar kasuwanci a matsayin ma’aikaci.
“Bai kamata mu bar wani ya zauna a nan ba fiye da ka’idojin aikin gwamnati na Najeriya a shekarar ritaya”.
Ndume ya sake nanata irin cecekucen da ke tattare da kudirin, sannan ya bukaci ‘yan majalisar da su yi taka-tsan-tsan wajen gudanar da shi.
Dan majalisar ya bukaci takwarorinsa da su yi watsi da kudirin don ci gaba da tuntubar juna.
Shugaban majalisar dattawa, Godswill Akpabio, bayan hukuncin da ya yanke ya bayyana cewa an ki amincewa da kudirin ne saboda yana da cece-kuce.
NAN/Ladan Nasidi.
