Peter Obi Yayi Alkawarin Samar Wa Najeriya Kyakyawan Tattalin Ariki

Dan takarar shugaban kasa na jam’iyyar Labour Party (LP), Peter Obi, ya sha alwashin gyara Najeriya tare da kawo mata kishi inda babu wanda zai so ya tafi wata kasa.

 

Obi ya yi wannan alkawarin ne a ranar Talata a lokacin da jam’iyyar ta gudanar da wani taro a filin Cocin All Saints Cathedral da ke Onitsha a jihar Anambra dake kudancin Najeriya.

 

 

Ya bayyana cewa shugabancin Najeriya ba shirin ritaya ba ne, yana mai jaddada cewa kasar na bukatar shugaba jajirtacce a halin yanzu.

 

 

Mataimakin dan takarar shugaban kasa na jam’iyyar, Baba-Ahmed, wanda ya bayyana dalilansa na bayyana sunan Obi, ya ce shugaban nasa kyauta ce ga al’ummar jihar Anambra kuma “mafi cancanta” ga sauran ‘yan takara.

 

 

“Na yi imani da adalci kuma shi ya sa nake tare da Peter Obi. Tsakanin Kudu-maso-Gabas da Arewa-maso-Yamma, akwai kakkarfan tarihi na sada zumunci – a hakikanin gaskiya, tsakanin Kudu da Arewa baki daya. Don zama daya, dole ne a zabi shugaba kamar Peter Obi a Najeriya,” in ji dan takarar mataimakin shugaban kasa na LP.

 

 

Da yake jawabi a filin taro na All Saints Cathedral, Onitsha, tsohon gwamnan jihar Anambra, Chukwuemeka Ezeife, ya tabbatar wa taron cewa za a gudanar da zabe a watan Fabrairu kuma za a bayyana wanda ya yi nasara.

 

 

Ezeife ya ce, “Za a gudanar da zaben 2023 cikin nasara. Ba za a samu gwamnatin rikon kwarya a Najeriya ba bayan babban zaben kasar, za a rantsar da Peter Obi a matsayin wanda ya lashe zaben baki daya.

 

 

“Shi mutumin jama’a ne, ina rokon ku da ku fito baki daya ku zabe shi, ku zabi sabon shugaban Najeriya.”

 

 

Shugaban jam’iyyar na kasa, Julius Abure, ya shaida wa taron cewa “hasken da zai ceci Najeriya” yana fitowa daga cikinsu. “Shin ku ba tsara ba ne?” Ya tambaya.

 

“Onitsha ta kasance tana samar da manyan shugabanni kuma wani yana gab da zuwa.”

 

 

A cikin jawabin shi,Masanin tattalin arziki Farfesa Pat Utomi, ya bayyana cewa dole ne su kasance suna da katin zabe na din-din-din (PVCs), ya kara da cewa, “Za ku tabbatar da cewa kun je yankunan karkara, ku yi magana da dukkan matan kasuwa.”

 

 

Har ila yau, wata mai fafutuka a harkokin siyasa kuma mamba a jam’iyyar Labour Party Campaign Council (PCC), Aisha Yesufu, ta ce ‘yan Najeriya su yi amfani da katin zabe na din-din-din da babban yatsa wajen zaben shugabanni nagari da za su kai Najeriya kasar gaba.

 

 

Yesufu ya ce dan takarar shugaban kasa na jam’iyyar Labour shi ne wanda ya kamata a amince da shi, inda ya ce zai bai wa ‘yan Najeriya hisabi, samar da hanyoyi masu kyau da samar da ayyukan yi ga matasa.

 

 

Tun da farko Obi ya je Awka, babban birnin jihar, inda ya tattauna da daliban jami’ar Nnamdi Azikiwe tare da ba su tabbacin gudanar da zaman karatu a Najeriya cikin kwanciyar hankali ba tare da katsewa ba.

 

 

Ya kuma gana da sarakunan gargajiya na Anambara a dakin taro na gidan gwamnati da ke Awka, inda ya gabatar da jawabai kan yadda za a magance kalubalen talauci, rashin aikin yi da yawaitar miyagun kwayoyi ya ce zai samar da ayyukan yi, da kuma daidaita tattalin arziki.