Ana Ci Gaba Da Tantancewa Da Tattara Kuri’u A Jihar Kano

An ci gaba da tantancewa da tattara kuri’u a wasu sassan jihar Kano a ranar Lahadi 26 ga watan Fabrairu a Arewacin Najeriya.

Wannan dai na zuwa ne a ci gaba da gudanar da zaben shugaban kasa da na ‘yan majalisar dokokin kasar da aka gudanar a ranar Asabar a fadin kasar.

Hukumar Zabe Mai Zaman Kanta ta Kasa (INEC) a Kano ta yi ishara da cewa za a bude cibiyar tattara sakamakon zaben kananan hukumomin jihar 44 da karfe 2 na rana agogon kasar.

Muryar Najeriya ta rawaito cewa har yanzu ana ci gaba da tantancewa da tattara kuri’u a kananan hukumomin Doguwa, Tudunwada, Ajingi da Albasu, inda ake ci gaba da kada kuri’ar zaben ‘yan takarar da za su wakilce su a zauren majalisar dattawan Najeriya.

Hakazalika, shiyyar Sanatan Kano ta Kudu ta shaida rashin isowar kayan zabe a makare a ranar Asabar din da ta gabata saboda nisan karamar hukumar da hedikwatar INEC ta jihar.

Yayin da ake sa ran rashin jin dadin masu kada kuri’a an ga dimbin mazauna karamar hukumar Kano suna gudanar da ayyukansu na al’umma yayin da zaben ya gudana a ranar Asabar.

Har ila yau, harkokin kasuwanci sun koma garin gaba daya inda mazauna garin ke gudanar da harkokinsu cikin lumana.