U20 AFCON: Kyaftin Na Flying Eagles Zai Rasa Fafatawa Da Uganda

Flying Eagles zata fafata ba tare da kyaftin Daniel Bameyi ba a wasan kusa da na karshe na gasar AFCON na ‘yan kasa na ‘yan shekaru 20 da Uganda bayan amintaccen mai tsaron baya ya samu katin gargadi na biyu a wasa da Mozambique.

Bameyi dai ya samu kati ne a minti na 85 da fara wasa, sakamakon bugun da ya yi da Mozambique a wasan karshe na rukunin A, wanda Najeriya ta samu nasarar tsallakewa zuwa zagaye na takwas na karshe a gasar.

Abel Ogwuche dan kasar Sweden zai iya farawa a madadin Bameyi wanda aka dakatar a wasan kwata fainal. Kafin dakatarwar, Bameyi ya buga wa Najeriya wasa a duk minti daya na gasar AFCON ta U20.

Wadanda suka yi nasara a wasan daf da na kusa da karshe za su yi tikitin shiga gasar cin kofin duniya ta FIFA U20 na bana da Indonesia za ta karbi bakunci a watan Mayu.