A ranar Juma’a ne mataimakin shugaban Najeriya Farfesa Yemi Osinbajo da mai dakinsa Dolapo suka isa Ikenne na jihar Ogun domin gudanar da zabukan gwamnoni da na ‘yan majalisar jiha a kasar ranar Asabar.
Farfesa Osinbajo da matarsa za su kada kuri’a ne a rumfar zabe ta 14 da ke Egunrege a karamar hukumar Ikenne (LGA).
Ikenne shine mahaifar mataimakin shugaban kasa Osinbajo. Jihar Ogun na daya daga cikin jihohi 28 da za a gudanar da zaben gwamna a ranar Asabar.
Gari Mai Muhimmanci
Ikenne, wanda kuma shi ne hedikwatar karamar hukumar Ikenne, gari ne mai matukar muhimmanci a tarihin Najeriya domin ya samar da manyan mutane da dama a fagen siyasa da zamantakewar Najeriya.
Marigayi Firimiyan Yammacin Najeriya, Cif Obafemi Awolowo ya fito daga Ikenne. Awolowo kakan matar mataimakin shugaban kasa ne.
Daga cikin fitattun ‘yan Najeriya daga Ikenne akwai marigayi Dokta Tai Solarin, wanda shi da matarsa Sheila suka kafa shahararriyar makarantar Mayflower, Ikenne.
Ana kuma lura da Ikenne a matsayin cibiyar tarurrukan siyasa, cibiyar rusasshiyar jam’iyyar Unity Party of Nigeria, kungiyar al’adun Yarabawa ta Afenifere a halin yanzu birni ce mai ilimi da aikin likitanci ta Jami’ar Babcock da asibitin koyarwa na jami’a da ke bunkasa.
Kwanan nan, Ikenne yana gida ne da filin jirgin sama, wanda mataimakin shugaban kasa, Farfesa Yemi Osinbajo ya kaddamar.
Sanin Siyasa
Duk da cewa Ikenne gari ne mai natsuwa, mutanensa suna nuna wayewar kai a siyasance. Ana iya danganta hakan da irin gudunmawar da marigayi Cif Awolowo ya bayar a fannin ilimi da ci gaban siyasar garin da al’ummarsa.
Leave a Reply