Zababben shugaban kasa ya dawo Najeriya daga kasar Faransa

Zababben shugaban kasa, Bola Tinubu, ya dawo Najeriya daga ziyarar aiki da ya kai kasar Faransa.

Jirgin mai zaman kansa na gwamnan jihar Legas mai wa’adi biyu ya sauka a filin jirgin saman Nnamdi Azikiwe da ke Abuja da misalin karfe 2:15 na rana a ranar Asabar.

Ya samu tarba daga magoya bayansa da ‘yan jam’iyyar da wasu gwamnoni.

Daga cikin tawagar akwai mataimakinsa mai jiran gado, Sanata Kashim Shettima; Gwamna Abdullahi Ganduje; Sanata, Ahmad Lawan da dan takarar shugaban kasa na jam’iyya mai mulki a majalisa ta 10, Sanata Godswill Akpabio.

Sanye da rigar ‘Babariga’ shudiyya da hular alamar kasuwancin sa, Tinubu ya samu rakiyar matarsa, Sanata Oluremi.

Zababben shugaban kasar ya bar Najeriya ne domin kaucewa matsalolin da ba dole ba da kuma raba hankali yayin da yake ci gaba da daidaita shirye-shiryen mika mulki da zabin manufofinsa tare da wasu manyan mukarrabansa.

Wata sanarwa da mai taimaka masa kan harkokin yada labarai, Tunde Rahman ya sanya wa hannu, ta bayyana cewa, zababben shugaban kasar zai kuma shafe tsawon zamansa yana tattaunawa da masu zuba jari da sauran manyan abokan hulda da su da nufin tallata hanyoyin zuba jari a kasar.

Tun kafin ya fara tafiyar, Tinubu ya gana da ‘yan takarar da jam’iyyar All Progressives Congress ta amince da kakakin majalisar wakilai da mataimakin kakakin majalisar wakilai, Tajudeen Abbas da Benjamin Kalu.

Ana sa ran tsohon gwamnan na Legas zai bi sahun shugaban kasa, Muhammadu Buhari da wasu manyan baki domin bude matatar man Dangote a jiharsa a hukumance ranar Litinin.