Jihar Kano: Kanfanin Harkokin Noma Ya Bada Tallafin Karatu Ga Dalibai 115

Kamfanin Agro Pastoral Project na jihar Kano, KSADP, ya rabawa ‘yan asalin jihar Kano 115 miliyan dari da ashirin da takwas da Naira dubu dari biyu da hamsin tallafin karatu.

Jami’in kula da ayyuka na jiha, Malam Ibrahim Garba ya bayyana hakan a lokacin kaddamar da rabon tallafin, ya ce tallafin karatu na musamman ne ga daliban da suka karanci aikin noma da kwasa-kwasan da suka shafi kiwo.

“Aikin wanda Bankin Raya Musulunci da Asusun Rayuwa da Gwamnatin Jihar Kano suka dauki nauyin shi, yana tallafawa dalibai 5 masu digiri na uku (PhD), 10, daliban Msc, Difloma ta kasa guda 50 da kuma dalibai 50 Higher Diploma na Kano, wajen sarrafa madara , Kiwo, sarrafa amfanin gona da fadada a Jami’ar Bayero Kano, Jami’ar Ahmadu Bello Zaria, da kuma Politeknik da kwalejin Harkokin Noma.

“Wannan shiri, shi ne irinsa na farko da duk wani aiki da aka gudanar a Kano, kuma an yi shi ne domin tallafa wa dalibai ‘yan uwa masu karamin karfi, masu son ci gaba da karatunsu a fannin noma da bunkasa kiwo, la’akari dai da muhimmancin shi ga samar da abinci da ci gaban kasa. .”

Ibrahim yace Bayan bayar da tallafi, shirin ya amince da kudi ga Cibiyar Noma ta Kasa da Kasa da kuma bayar da taimakon fasaha ga wadanda suka ci gajiyar shirin.

bayyana cewa an zabo wadanda suka ci gajiyar 115 daga cikin 1,250 da suka nema, inda ya kara da cewa adadin kudin da kowane dalibi ya biya, kudin makaranta da kula da kayan karatu.