Tsohon Gwamna Ya Yabawa Tsarin Zabe A Jihar Abia

Tsohon gwamnan jihar Abia da ke kudu maso gabashin Najeriya, Sanata Theodore Orji, ya ce zaben ya yi kyau, ya kuma bukaci mazauna jihar Abia da su ci gaba da zaman lafiya yayin da suke zabar ‘yan takararsu.

Orji wanda shi ne Sanata mai wakiltar Abia ta tsakiya, ya ba da wannan shawarar ne bayan ya kada kuri’arsa a makarantar firamare ta Ugba, Urban 1, a karamar hukumar Umuahia ta Arewa a jihar Abia.

Ya ce ya gamsu da wannan tsari ya zuwa yanzu” kuma ya yaba wa jama’a da suka fito gadan-gadan don gudanar da aikinsu. Tsohon Gwamnan ya ce Hukumar Zabe Mai Zaman Kanta ta Kasa, INEC ta san aikin da aka ba su, don haka dole ne su yi aiki.

Ya ce: “Muna sa ran INEC za ta gudanar da zabe na gaskiya, gaskiya da karbuwa a dukkan sassan jihar Abia.”

Duk da cewa kayan zabe sun isa rumfunan zabe a makare, tsohon gwamnan ya roki INEC da ta tabbatar da cewa an ba mazauna yankin isasshen lokaci domin kada kuri’unsu.

Hukumar ta BVAS na aiki sosai a manyan runfunan zabe kuma ana gudanar da atisayen cikin lumana a karkashin kulawar rundunar ‘yan sandan Najeriya da sauran hukumomin tsaro da suka hada da hukumar tsaro ta farin kaya, NSCDC.

Kananan hukumomi 17 ne da kuma rumfunan zabe 4069 a jihar. Muryar Najeriya ta rawaito cewa zaben na gudana ne a shiyyar Sanata 3 da mazabu takwas na tarayya a jihar Abia.